今日終於"的"起心肝去攪攪我的牙齒~~~過程非常痛苦......

只怪自己一直沒有重視牙齒問題，對上一次睇牙醫已經是中學的事，雖然經過醫生的努力後我的牙齒表面已經回復潔白，但因為牙石問題令洗牙後的牙肉傷口很多，一整個下午都不斷在滲血，每次漱口都好像"吐血"一樣恐怖!!當堂無晒食慾，也好，當是減肥，橫掂body check都話我血壓偏高，要開始注意一下飲食。

醫生話下次覆診還要補牙，不過是明年二月的事，在此之前我要好好保護D牙先得啦~~~唔知"番齒兵"有無幫助呢?

 

各位弟兄姊妹要幫我祈禱啊~~王妹和各位好友都要支持我啊!!

當然唔少得小VaN的愛心支持啦!!

 

我想快D無事呀!我重要去台灣食美食呀~~

"洋蔥餐廳"等緊我架~~~!!

 

P.S. 大家要引以為戒呀!!

 

後續 : 截至晚上七時放工，血仍在流，腳步浮浮，我心想，再係咁落去我明天唔知重見唔見得到大家，因此立即去找"弟兄牙醫"幫手，果然佢真係有一手!救左我一命!他細心地幫我清理好晒D血塊同開左止血藥比我食，終於止左大部份，還有少許傷口未止血需要自己努力~~~現在肚餓中~~~